Ehuneko ehun – %100

Liburu hau zuretzat idatzi dugu. Orain dela gutxi hasi zara euskara ikasten eta oraindik ez duzu libururik irakurri. Hauxe da, beharbada*,
zure lehen liburua euskaraz. Horregatik, liburu hau euskara errazean idatzita dago. Hemen ez duzu esaldi zailik aurkituko. Esaldi guztiak laburrak eta ulergarriak* dira. Aditzak ere oso errazak dira. Eguneroko aditzak dira guztiak, aditz arrunt* eta praktikoak. Eta hitzak ere oso errazak dira. Liburu hau idazteko, oinarrizko hiztegia erabili dugu, hau da, euskarazko hitz errazenak erabili ditugu. Horrela, zuk den-dena ulertuko duzu. Hitz zailenak, orrialde honetan bezala, alboko hiztegitxo batean azaldu* ditugu euskara errazean.

100 (ehun) zenbakia askotan agertzen da. Dena zenbaki horren inguruan antolatuta* dago. Ikusi nola
  • Liburuak 100 (ehun) orrialde dauzka
  • Orrialde horietan 100 (ehun) irakurgai idatzi ditugu, hau da, irakurgai bat orrialde bakoitzean
  • Irakurgai guztiak 100 (ehun) hitzetik beherakoak dira, hau da, 100 (ehun) hitz baino gutxiago dauzkate
  • Irakurgai bakoitzaren ondoan ahozko ariketa bat daukazu, lagunekin gai horretaz hitz egiteko

Beraz,* liburuan ahozko 100 (ehun) ariketa dauzkazu. Egia da, liburu hau euskara errazean idatzita dago, eta bertan askotan agertzen da 100 (ehun) zenbakia. Horrexegatik* deitu diogu «(%100) Ehuneko ehun euskara errazean»

map

Gaiak: euskara, pertsona ospetsuak, gizartea, historia, ingurumena, bidaiak, literatura, osasuna, teknologia eta umorea.
Ahozko ariketak: irakurgaiaren amaieran, gaiaz hizketan jarraitzeko aukera ematen duten ahozko ariketak ageri dira.
Paragrafoak: gehienez ere, 6 lerroko paragrafoak.
Alboko hiztegia: irakurgai bakoitzaren alboan hiru hitz zailenen definizioak ageri dira, euskara errazean emanak.

Lantzeko materialak

Material gehigarria deskargatu ahal izango duzu hemen.

top

Ezaugarriak:

Egileak, saila eta maila

Izenburua: Ehuneko ehun
Idazlea: Xabier Monasterio
Irudigilea: Alain M. Urrutia
Bilduma: Euskara errazean
Maila: Hasierako maila (A1)

Ezaugarri teknikoak

Orrialde kopurua: guztira 116; testu nagusia: 100.
Argitaratze data: 2011ko azaroa.
Argitaraldia: 1. argitaraldia.
ISBN: 978-84-939573-1-5
Lege gordailua: SS-1595/2011
Salneurria: 10 euro.

CC lizentzia

© Testuen eta ilustrazioen eskubide batzuk erreserbaturik lizentzia honen arabera. Gainerako ilustrazioen aitortzak azken orrialdeko aurkibidean daude.

map

Harremana duten orrialdeak